Nga Kelly Bilodeau, Former Executive Editor, Harvard Women’s Health Watch

Frutat e pyllit dhe shalqini në verë, lakra jeshile dhe panxhari në dimër. Receta  për te shijuar ushqime anti-inflamatore mund të ndryshojë me stinët.

Zemra, truri dhe madje edhe nyjet tuaja mund të përfitojnë nga një dietë e qëndrueshme e këtyre ushqimeve ushqyese dhe shkencëtarët mendojnë se efektet e tyre në inflamacion mund të jenë një arsye pse.

Inflamacioni: Si ndihmon dhe dëmton trupin

Inflamacioni është pjesë e mekanizmit shërues të trupit tuaj – arsyeja pse gjuri juaj u fry dhe u bë i kuq kur e lënduat. Por ky proces i riparimit inflamator ndonjëherë mund të shkojë keq, të zgjasë shumë dhe të dëmtojë në vend që të ndihmojë. Kur inflamacioni shkaktohet nga një problem i vazhdueshëm, ai mund të kontribuojë në probleme shëndetësore. Me kalimin e kohës, inflamacioni që rrjedh nga stresi kronik, mbipesha ose një çrregullim autoimun mund të shkaktojë potencialisht semundje të tilla si artriti, sëmundjet e zemrës ose kanceri. Mund të dëmtojë edhe trurin. Shkencetaret kanë zbuluar një lidhje midis niveleve të larta të inflamacionit në tru dhe një rritje të rrezikut për përkeqësimin e funksioneve të tij . Shtimi i rregullt i ushqimeve anti-inflamatore në dietën tuaj mund të ndihmojë në ndalimin e këtij procesi.

Tre dieta që theksojnë modelet anti-inflamatore

Studimet ende nuk kanë shqyrtuar në hollësi përfitimet anti-inflamatore të ngrënies së ushqimeve që janë në sezon. “Por përgjithësisht pranohet se të hash atë që është në sezon ka të ngjarë të jetë më e freskët dhe padyshim që ka përfitime të tjera, duke përfshirë ato për mjedisin”, thotë Natalie McCormick, një studiuese në mjekësi në Fakultetin e Mjekësisë të Harvardit. Ngrënia e ushqimeve që janë në sezon mund të ndihmojë gjithashtu edhe me faturën tuaj të ushqimeve.

Kur bëhet fjalë për ushqimet anti-inflamatore, qëllimi duhet të jetë përfshirja e sa më shumë që mundeni në regjimin tuaj të përgjithshëm. “Theksi tani është në modelet e të ushqyerit, sepse duket se ndërveprimet midis ushqimeve dhe kombinimeve të tyre kanë një efekt më të madh sesa ushqimet individuale,” thotë McCormick.

Tre dieta në veçanti, thotë ajo, përmbajnë përzierjen e duhur të elementeve: Dieta mesdhetare, dieta DASH dhe Indeksi Alternativ i Ushqimit të Shëndetshëm. Këto dieta janë të ngjashme në atë që vënë theksin te ushqimet që njihen gjithashtu si anti-inflamatore, të tilla si frutat dhe perimet shumëngjyrëshe, drithërat, bishtajoret dhe yndyrnat e shëndetshme si vaji i ullirit dhe gjalpi i arrave. Por po aq e rëndësishme, këto dieta eliminojnë gjithashtu ushqimet – të tilla si ushqimet e përpunuara shumë, mishi i kuq dhe pijet me sheqer – që mund të rrisin nivelet e elementëve inflamatorë brenda trupit, duke përfshirë një substancë të quajtur proteina C-reaktive.

Përzierja dhe kombinimi i duhur i ushqimeve të ndryshme përgjatë këtyre dietave mund t’ju ndihmojë të përfitoni një qasje anti-inflamatore që i përshtatet shijeve tuaja personale, ashtu siç mund të zgjidhni ofertat më të freskëta në sezon. Drithërat integrale, bishtajore dhe vajra të shëndetshëm për zemrën mund të jenë ushqimet kryesore gjatë gjithë vitit, por përfshini frutat dhe perimet tuaja për më shumë shumëllojshmëri. Më poshtë janë disa opsione të shkëlqyera sipas sezonit.

Superyjet anti-inflamatore të dimrit

Në muajt e ftohtë të dimrit, mendoni gjelbër. Shumë perime me gjethe jeshile dalin në pah gjatë këtij sezoni, duke përfshirë lakrën jeshile, perimet dhe lakrën zvicerane. Perimet me rrënjë si panxhari janë një tjetër opsion i shkëlqyer për dimër. Kërko patatet e ëmbla dhe rrepat. Opsione të tjera për të provuar janë frutat e kivit, lakrat e Brukselit, limonët, portokallet dhe ananasi.

Superyjet anti-inflamator pranveror

Kur të vijnë muajt e pranverës, kërkoni për asparagë, kajsi, avokado, karrota, kërpudha dhe selino, si dhe barishte të freskëta.

Superyjet anti-inflamatorë të verës

Vera është sezoni kryesor për shumë lloje prodhimesh dhe për pasojë shumëllojshmëria e zgjedhjes është e lartë. Frutat e pyllit janë një opsion shumë i mirë anti-inflamator. Provoni varietete të ndryshme të boronicave, manaferrave dhe luleshtrydheve. Nëse je në SHBA, kërko për marionberries, huckleberries, gooseberries dhe manaferrat, të cilat rriten në pjesë të ndryshme të vendit. Gjithashtu qershia, patëllxhani, kungulli i njomë, shalqini, bishtajat, pjepëri me mjaltë, bamjet, pjeshkat dhe kumbullat janë nga elementet më të dashur gjatë verës.

Superyjet e vjeshtës anti-inflamatore

Molla konsiderohet si lajmëtarja e vjeshtës dhe nuk ka gjë më të mirë se një mollë e freskët dhe krokante. Por ka edhe një mori ushqimesh të tjera anti-inflamatore për t’i provuar, si lakra, lulelakra, hudhra, kungulli i dimrit, majdanozi, bizelet, xhenxhefili dhe të gjitha llojet e maruleve.

Sa herë që është e mundur, kur zgjidhni të konsumoni një një ushqim anti-inflamator, përpiquni të zgjidhni opsionin më shumë të shëndetshëm. Për shembull, në vend që të konsumosh një muffin, zgjidh një sallatë frutash me manaferra të freskëta, ose nëse je i/e prirur të konsumosh një pjatë me patate të skuqura, zëvendësoje atë me një patate të ëmbël të pjekur. Kompromise të tilla të vogla në dietën tuaj mund të sjellin përfitime të mëdha shëndetësore me kalimin e kohës.